Ən etibarlı notbuklar hansılardır?
Dünyanın ən dözümlü 9 notbuku
SquareTrade kompaniyası dünyanın ən dözümlü 9 notbukunun sıralamasını açıqlayıb. Sıralama istifadəsinə başlandıqdan 3 il sonra notbukların sıradan çıxma faizinə görə hesablanıb. Nə qədər təəccüblü görünsə də Apple notbukları bu sıyahıda 4-cu yerdədir. Özümün istifadə etdiyim Toshiba və HP notbuklarının siyahıda yeri isə məni tam qane edir. 3 ildir istifadə etdiyimə baxmayaraq Toshiba Satellite 6 aylıq HP Compaq-dan heç də geri qalmır ( zəifləmiş batareyanı çıxmaq şərtilə ). Ümumiyyətlə HP-in hardware problemləri ilə son zamanlar daha tez-tez qarşılaşıram.
İndi isə SquareTrade-in dünyanın 9 ən dözümlü notbuku sıralamasın diqqətinizə çatdırıram:
- Asus – 15.6 %
- Toshiba – 15.7 %
- Sony – 16.8 %
- Apple – 17.4 %
- Dell – 19.3 %
- Lenovo – 21.5 %
- Acer – 23.3 %
- Gateway – 23.5 %
- HP – 25.6 %
Windows 7-də nələr var? / VIDEO
22 oktyabrda yeni Windows 7 əməliyyat sistemi rəsmən satışa buraxıldı. 3 hissədən ibarət videorolikdə Windows 7 ilə yaxından taniş ola bilərsiniz:
Bakıdada BakuTel 2009 beynəlxalq İKT sərgisi keçirilir
«APA-ECONOMICS»in məlumatına görə, Böyük Britaniyanın «ITE Group» şirkətinin Qafqazdakı eksklüziv tərəfdaşı olan «Iteca Caspian» şirkətinin təşkilatçılığı ilə keçirilən bu yubiley sərgi noyabrın 7-dək davam edəcək.
«APA-ECONOMICS»in məlumatına görə, sərgidə 15 ölkədən 100-dən artıq şirkət iştirak edir. Belə ki, sərgi iştirakçıları sırasında Azərbaycanın mobil rabitə operatorları «Azercell», «Azerfon», «Bakcell», telekommunikasiya və informasiya texnologiyaları şirkətləri olan «Aztelecom», Bakı Telefon Rabitəsi İstehsalat Birliyi, «Delta Telecom», «Iskratel», «Microsoft», «Ultra», «Nokia Siemens Networks», «Caspel», «Bestcomp Group», «R.I.S.K.», «Sinam», «Smart Systems Technology», həmçinin «ZTE Corporation», «Caspian Navtel», «Idrak Technology Transfer», «Headtechnology», «IT Solutions», «Silverkey Azerbaijan», «Pirelli Broadband Solution», «Özkabel» və s. şirkətlər var.
Sərgidə yeni İKT məhsullarının təqdimat mərasimlərinin keçirilməsi də planlaşdırılır. Belə ki, həll variantları, ultramüasir texnikalar sərginin 40%-ni təşkil edir və yeni informasiya və kommunikasiya texnologiyaları məhsulları ilk dəfə Azərbaycan bazarında təqdim olunacaq.
Ümumilikdə, sərgidə telekommunikasiyalar və şəbəkələr, geniş zolaqlı rabitə texnologiyaları, kabel və simsiz rabitə, peyk rabitəsi və texnologiyalar, teleradio yayım avadanlıq və texnologiyaları, proqram təminatı və avtomatlaşdırma sistemləri, İT və ofis texnologiyalar, təhlükəsizlik sistemləri, bank texnologiyaları və bank xidmətləri, elektron biznes və elektron hökumət kimi məhsul və xidmətlər nümayiş olunur.
Qeyd edək ki, «BakuTel 2009» sərgisi Azərbaycan Rabitə və İnformasiya Texnologiyaları Nazirliyi, Beynəlxalq Telekommunikasiya İttifaqı (ITU), İnformasiya və Rabitə Texnologiyaları və İnkişaf üzrə Qlobal İttifaq (GAID), BMT, Rabitə sahəsində Regional Birlik (RCC), Azərbaycan Ticarət və Sənaye Palatası və Azərbaycan Sahibkarlar Konfederasiyasının rəsmi dəstəyi ilə təşkil olunub.
Qeyd edək ki, sərginin açılış mərasimində Azərbaycan prezidenti İlham Əliyev və xanımı Mehriban Əliyeva da iştirak ediblər. Sərginin pavilyonları ilə tanış olan dövlət başçısına burada nümayiş olunan məhsullar və xidmətlər haqqında ətraflı məlumat verilib.
Xatırladaq ki, son 15 il ərzində «Bakutel» sərgisində 26 ölkədən 800 şirkət iştirak edib.
Sərgidə iştirak etmək məqsədilə Ümumdünya Telekommunikasiya İttifaqının baş direktoru Xamadun Ture Azərbaycana gəlib.
Qeyd edək ki, noyabrın 4-7-də həmçinin II «Mühafizə, təhlükəsizlik və xilasetmə vasitələri» (CİPS – 2009) sərgisi keçirilir. «CIPS – 2009» sərgisində xilasetmə, yanğından mühafizə, kompüterlərin mühafizəsi vasitələrinin inkişafında əldə olunmuş nailiyyətlərin nümayişi nəzərdə tutulur. Sərgidə xüsusi nəqliyyat vasitələri, sənaye casusluğuna qarşı müqavimət, rabitə və xəbərdarlıq, icazəsiz daxilolmalar əleyhinə siqnalizasiya sistemlərinin texniki xüsusiyyətləri nümayiş etdiriləcək. Bu il həmçinin xüsusilə video-müşahidə və nəzarət sistemləri geniş şəkildə təqdim olunacaq.
YUMROO” şirkəti Azərbaycan Respublikasının Rabitə və İnformasiya Texnologiyaları Nazirliyinin, Gənclər və İdman Nazirliyinin və “İrəli” İctimai Birliyinin dəstəyi ilə “1-ci Milli İnternet Forum 2009” keçirilməsini elan edir
Bildiyiniz kimi, ölkəmizin inkişafında vacib amillərdən biri hesab olunan informasiya texnologiyaları sahəsində müəyyən məqsədlərə yönəldilmiş fəaliyyət yüksək inkişaf tempi və gündəlik həyatımıza informasiya texnologiyalarının və internetin daxil olması ilə izah edilir. ”Azərbaycan Respublikasının İnkişafı naminə İnformasiya və Kommunikasiya Texnologiyaları üzrə Milli Strategiyanın (2003-2012-ci illər) təsdiq edilməsi haqqında” Azərbaycan Respublikası Prezidentinin sərəncamı gələcək 10 ildə nəzərdə tutulmuş işlərin ümumi istiqamətini müəyyən etmişdir.
Bununla əlaqədar olaraq milli axtarış portalı YUMROO Azərbaycan Respublikasının Rabitə və İnformasiyaTexnologiyalarıNazirliyinin, Gənclər və İdman Nazirliyinin, HP şirkətinin Azərbaycandakı nümayəndəliyinin və “İrəli” İctimai Birliyinin dəstəyi ilə internet sektorunun strateji və texniki inkişafına və ayrı-ayrılıqda İnternet layihələrin reallaşdırılmasına həsr olunmuş Birinci Milli İnternet Forumu keçirməyi planlaşdırır.
Qeyd edək ki, “YUMROO” şirkəti – azərbaycan dilinin morfologiyasını nəzərə alan axtarış sistemidir. YUMROO internet resurslar kataloqu, poçt, bloqlar və xəbərlər üzrə çoxlu sayda veb-xidmətlər təqdim edir.
Mətbuat konfransı 27 oktyabr 2009-cu il, saat 11:00-da Nizami küç. 90 А, Landmark III Biznes Mərkəzinin 3-cü mərtəbəsində keçiriləcəkdir.
www.ireli.az -ın ekskluziv görüntüləri
İRƏLİ İctimai Birliyinin rəsmi saytını ilk görüntüləri ( qeyd edim ki, sayt hələ istifadəyə verilməyib ) :
ireli.az
ireli.azireli.az
Cənubi Qafqazın ən çox oxunan xəbər saytları
Day.az Cənubi Qafqazın ən çox oxunan xəbər saytlarının siyahısını açıqlayıb :
Azərbaycan
www.Day.Az
www.trend.az
www.apa.az
www.1news.az
www.vesti.az
Gürcüstan
www.newsgeorgia.ru
www.apsny.ge
www.osinform.ru
www.cominf.org
www.ipn.ge
Ermənistan
www.newsarmenia.ru
www.arminfo.info
www.panorama.am
www.armenpress.am
www.defacto.am
Əli Abbasov: “İKT sahəsinin gəlirləri 2018-ci ildə neft-qaz sektoruna bərabər olacaq”
Adambaşına düşən kompüterlərin sayına görə Azərbaycan yaxın gələcəkdə Avropa və Asiyanın inkişaf etmiş ölkələrinin səviyyəsinə çatacaq. Bunu «2008-ci il prezident seçkiləri: inkişafın yeni perspektivləri» mövzusunda keçirilən konfransda rabitə və informasiya texnologiyaları naziri Əli Abbasov bildirib.
“Gələcək 5 il üçün biz qarşımıza İKT-in inkişafına dair məqsədyönlü plan qoymuşuq. Həmin plan dörd əsas hissədən ibarətdir: kosmik texnologiyaların, nanotexnologiyaların, nüvə və biotexnologiyaların inkişafı. Misal üçün, bu gün Azərbaycanda 50 dollar dəyərində xammal neftdən 500 dollarlıq müxtəlif neft məhsulu hazırlanır, nanoborucuqlar texnologiyasının və digər qabaqcıl innovasiyaların köməyi ilə yaxın illərdə həmin miqdarda 50 dollar dəyərində neftdən Azərbaycan 5000-10000 dollarlıq neft məhsulu istehsal etmək imkanına qadir olacaq”, – deyə nazir qeyd edib.
Ə.Abbasov həmçinin bildirib ki, “Azərbaycanda regional innovasiya mərkəzləri yaradılacaq ki, burada infrastruktur və ölkənin müxtəlif rayonlarında müasir texnoloji sektorlar inkişaf etdiriləcək. Nəticədə biz kiçik və orta biznesin inkişafını müşahidə edə bilərik. Bu ilin yekunlarına əsasən İKT sektorundan gəlirlər 1 mlrd. ABŞ dolları, 2010-cu ildə 4 mlrd., 2012-ci ildə 6 mlrd. dollar olacaq. 2018-ci ildə isə innovasiya texnologiyalarının gəlirləri neft-qaz sektorunun gəlirlərinin səviyyəsinə çatacaq”.
Microsoft Internet Explorer üçün təcili təhlükəsizlik proqram paketi hazırlayıb
Bakı vaxtı ilə saat 22:00-da Microsoft şirkəti Internet Explorer brauzeri üçün təcili təhlükəsizlik proqram paketi təqdim edib. Xatırladaq ki, həftənin əvvəlində antivirus şirkətləri son bir neçə il ərzində Internet Explorer istifadəçilərinin kompüterlərinin böyük müdaxiləyə məruz qalması barədə xəbər vermişdirlər. Zəif nöqtələr Internet Explorer 5.01-dən tutmuş Internet Explorer 8 Beta 2-yə kimi brauzerin bütün versiyalarında aşkar olunub.
Microsoft şirkəti Internet Explorer brauzeri ilə işləyən kompüterlərə xakerlər tərəfindən hücum halların kəskin sürətdə artmasını qeyd etmişdir. Hücum üçün bədəməl istifadəçilər tərəfindən Internet Explorer-də açıq olan zəif nöqtədən istifadə olunması bildirilirdi, Cybersecurity yazır.
Dünyada İKT sahəsində çalışan ən bahalı şirkətlərin yarısı Azərbaycanda təmsil olunub
CNews Analytics təşkilatın hazırladığı dünyanın ən bahalı İKT-şirkətlərinin reytinqində adları çəkilən 20 şirkətdən 10-u Azərbaycan ərazisində fəaliyyət göstərir. Reytinqə Microsoft şirkəti başçılıq edir. İlk “beşliyə” həmçinin China Mobile, AT&T, IBM və Cisco Systems şirkətləri daxildir.İKT İnformasiya Mərkəzinin direktoru Fərid Kazımovun sözlərinə görə, həmin reytinqdə təqdim olunan Microsoft, Cisco Systems, НР, IBM, Apple Computer, Intel, Oracle, Google və Nokia kimi şirkətlər bu və ya digər səviyyədə Azərbaycanda fəaliyyət göstərirlər.Reytinqdə təqdim olunan və Azərbaycanda təmsil olunmuş digər şirkətlər isə stasionar və mobil rabitə operatorlarıdırlar.
Dünya nəhənglərinin Azərbaycanda fəaliyyəti ölkənin informasiya və kommunikasiya texnologiyaları sahəsində mövcud olan böyük potensialının sübutudur. Bununla belə, Azərbaycanda təmsil olunan şirkətlərin bəziləri müxtəlif dövlət miqyaslı layihələrdə iştirak etməklə, hökumət qurumları ilə tərəfdaşlıq edirlər. F.Kazımov qeyd edir ki, əgər Azərbaycan hökuməti İKT-nin müxtəlif sahələrdə tətbiq olunmasına istiqamətlənən kursuna davam edərsə, həmçinin insani resurslara və yüksək texnoloji məhsullara əsaslanan yeni iqtisadiyyatı sistemli şəkildə yaradarsa, o zaman Azərbaycana liderlərlə yanaşı orta səviyyəli şirkətlərin də axını müşahidə olunacaq.
İnformasiya birbaşa klaviaturadan oğurlana bilərmiş
Azərbaycan Milli Elmlər Akademiyasının İnformasiya Texnologiyaları İnstitutundan AzərTAc -a bildirmişlər ki, informasiya təhlükəsizliyi üzrə İsveçrə mütəxəssisləri klaviaturanın düymələri ilə elektromaqnit siqnallarını analiz edən qurğu hazırlamışlar. Həmin qurğunun vasitəsilə kompyuter istifadəçisinin nə yazdığını müəyyən etmək mümkündür. Siqnalların hesablanması üçün radioantendən istifadə olunmuşdur. Noutbuk da daxil olmaqla, bu üsulla 11 müxtəlif klaviatura testdən keçirilmişdir. Tədqiqatçıların sözlərinə görə, aparılmış dörd təcrübədən biri baş tutmuşdur. Eksperiment nəticəsində 20 metr uzaqlıqda olanların kompyuterdə nə yazdıqlarını təyin etmək mümkün olmuşdur.
İnformasiya oğurluğunun yeni üsulunu Lozannada yerləşən İsveçrə Texniki İnstitutunun aspirantları fikirləşmişlər. Onlar öz hesabatlarında yeni texnologiyanın daha da təkmilləşdirilə biləcəyini söyləmişlər. Çünki təcrübədə nisbətən ucuz texnikadan istifadə olunmuşdur. Tədqiqatçılar belə nəticəyə gəlmişlər ki, vacib informasiyanı alışdığımız klaviatura ilə ötürmək artıq təhlükəlidir. İsveçrəlilərin işi Kembric Universiteti mütəxəssislərinin təcrübəsi əsasında həyata keçirilmişdir. Həmin təcrübə əvvəllər Kembric mütəxəssisləri tərəfindən aparılmışdır.
