Erməni KİV-ləri Fransada keçirdiyimiz etiraz aksiyası barədə
Protest action in front of the Euronews headquarters in Lyon
Azərbaycanlı tələbələr EURONEWS-Un Lionda yerləşən baş ofisi qarşısında etiraz aksiyası keçiriblər
Euronews
“İRƏLİ” İctimai Birliyinin koordinatoru Aydın Məmmədovun APA-ya verdiyi məlumata görə, aksiyada Avropanın 7 müxtəlif şəhərindən 50-dək azərbaycanlı iştirak edib. Aksiyada “EuroNews” telekanalının Azərbaycanın işğal altında olan ərazilərindən hazırladığı reportajda Dağlıq Qarabağın separatçı rejiminin müstəqil dövlət, separatçıların başçısı Bako Saakyanın isə qondarma qurumun “prezidenti” kimi təqdim olunması pislənilib. A. Məmmədov Fransada yaşayan ermənilərin aksiyaya mane ola bilmədiyini deyib: “Əraziyə polis əməkdaşları gətirilmişdi və asayişi qoruyurdular. Aksiyada telekanalın Dağlıq Qarabağla bağlı birtərəfli reportajlar hazırlanmasına son qoyulması, Azərbaycanın işğal olunmuş əraziləri ilə bağlı obyektiv məlumatın dünyaya çatdırılması barədə plakatlar qaldırıldı, ingilis və fransız dillərində şüarlar səsləndirildi”.
A. Məmmədov bildirib ki, aksiyada qətnamə qəbul olunub və telekanalın baş redaktoru gənclərlə görüşüb. Bəyanat baş redaktora təqdim olunub: “O bizim tələblərimizi başa düşdüyünü bildirdi və 2010-cu il yanvarın 17-də Azərbaycana səfər edib, məcburi köçkünlərlə bağlı reportaj hazırlayacaqlarını dedi”.
A. Məmmədov bir saata qədər davam edən aksiya zamanı hər hansı insident və müdaxilənin olmadığını vurğulayıb.
Qeyd edək ki, “EuroNews” kanalında Azərbaycanın işğal altında olan ərazilərindən hazırlanan reportajda Dağlıq Qarabağın separatçı rejimi müstəqil dövlət, separatçıların başçısı Bako Saakyan isə qondarma qurumun “prezidenti” kimi təqdim olunub.
APA
Euronews chief editor receives Azerbaijani protesters
Four organizers of an Azerbaijani youth protest have been received by Euronews TV’s editor-in-chief, Peter Barabas.
Some 50 protesters gathered outside Euronews head office in Lyon today to protest at a one-sided Euronews report on the Karabakh conflict. The protesters chanted “Respect the truth”, “Karabakh is Azerbaijani territory” and “Journalism requires professionalism”.
Four of the protest organizers – Araz Bayramli, Mirvari Fataliyev, Vurgun Agazade and Elnur Mejidli – were received by Barabas for about an hour, Mejidli said.
Barabas told the protesters that he had not expected the report to cause such a storm of protest. He said the Euronews editorial office had received hundreds of letters about the report.
Barabas said they had decided to make a report about Azerbaijanis who suffered as a result of the conflict and had received permission from the presidential administration to visit Baku in January.
Jeyhun Osmanli: “French Armenians warn young Azerbaijanis not to demonstrate at Euronews”
Jeyhun Osmanli
Armenians living in France are putting pressure on young Azerbaijanis not to protest outside the Euronews headquarters in Lyon.
The chairman of the IRELI Public Union, Jeyhun Osmanli, said Armenians were calling the organizers of the protest, including Forward coordinator Aydin Mammadov, and threatening them.
“Despite that the young people insist on holding the protest.”
Osmanli said Azerbaijani students and young people from seven European cities were converging on Lyon to attend the protest, which was scheduled to begin at 14.00 Baku time.
Euronews broadcast a report from the occupied territories of Azerbaijan in which it presented separatist Nagorno-Karabakh as an independent state and described the leader of the separatists, Bako Sahakyan, as “president” of the so-called “republic”.
APA
Ramiz Mehdiyevin yeni məqaləsi: “İctimai və humanitar elmlər: zaman kontekstində baxış”
Ramiz Mehdiyev
Azərbaycan Prezidenti İlham Əliyev bu il noyabr ayının 2-də Bakı Dövlət Universitetinin 90 illik yubileyi mərasimindəki çıxışında ölkəmizin iqtisadiyyatında keçid dövrünün artıq başa çatdığını bəyan etdi. Hər bir Azərbaycan vətəndaşı və bütövlükdə ölkəmiz üçün tarixi əhəmiyyət kəsb edən bu bəyanat elmi və intellektual elita qarşısında xeyli mürəkkəb və strateji əhəmiyyətli məsələlər qoyur. Yaranmış vəziyyətlə əlaqədar biz, müəyyən mənada, artıq başa çatmış bir prosesin yekunlarından nəticə çıxarmalı, cəmiyyətimiz üçün aktuallaşan yeni paradiqmalar haqqında düşünməliyik.
Ölkəmizdə keçid dövrünə xas olan amillər ziyalıların vəziyyətinə, elmin, təhsilin və mədəniyyətin durumuna öz təsirini göstərmişdir. 1990-cı illərin əvvəlində bəzilərinə elə gəlirdi ki, vətəndaşlarımızın ağır güzəranı, gələcəyə inamın olmaması və ümumi çətinliklər bir çox ənənələrimizin də məhvinə gətirib çıxaracaqdır.
O illərdə məruz qaldığımız siyasi, iqtisadi və sosial böhran, sözsüz ki, insanların elmə və təhsilə olan münasibətinə də təsir göstərmişdi. Azərbaycanlıların daim öz övladlarının maariflənməsinə, təhsil almasına, alimin mövqeyinin yüksək dəyərləndirilməsinə meyilli bir millət olmasına baxmayaraq, bu dövrdə çoxları artıq ümidsizliyə qapanmışdılar. Sovet məktəbindən milli təhsil sisteminə keçid heç də asanlıqla baş vermədi. Bu illərdə Elmlər Akademiyasının bağlanmasına dair səslənən çağırışlar da elmi ictimaiyyətə bütövlükdə mənfi təsirini göstərdi.
Sovet İttifaqı dağıldıqdan sonra bütün postsovet ölkələrində olduğu kimi, bizdə də ideologiyasızlaşdırma deyilən prinsip bəyan edildi. Bu prinsip marksizm-leninizm ideologiyası ilə bağlı nə varsa, hamısından tamamilə imtina olunmasını nəzərdə tuturdu və totalitarizmin, kommunist ideologiyasının təzədən baş qaldırmasına imkan verməməli idi. Lakin həmin dövrdə baş verən mürəkkəb proseslər nəticəsində yaranmış boşluğu qısa müddətdə müxtəlif növ surroqat ideya və yanlış ideologiyalar doldurdu.
MİF – Milli İnternet Forum
1-ci Milli Internet Forum
Azərbaycan 2009-ci ilin son rübü IT sahəsində xüsusi aktivliklə yadda qaldı. Doğurdan da indiyə kimi bu zaman kəsiyində bu qədər yenilik hələ müşahidə olunmamışdı. İnternet qiymətlərinin kəskin endirilməsi ilə istifadəçilərin kütləvi şəkildə sürətli İnternet imkanlarının yaranması, ənənəvi BakuTel sərgisinin uğuru, yeni Milli Net Milli İnternet Mükafatının təsis olunması, 3G və Wi-Max texnologiyalarının ölkəyə gətirilməsi, Yumroo tərəfində 1-ci Milli İnternet Forumun keçirilməsi və s. bu tədbirlərin ən önəmliləridir. Bütün bunlar bir daha göstərir ki IT sferanın inkişafı dövlətimiz üçün ən preoritet sahələrdən biridir və yaxın illər də Azərbaycanda IT sahəsinin dinamik inkişafı ilə səciyyələnəcək.
Lakin bütün bu müsbətlərlə yanaşı çatışmamazlıqların olduğunu da qeyd etməliyəm. Bu yazım isə 1-ci Milli İnternet Forumla bağlı olacaq. Təşəbbüş çox gözəldir. Alqışlanmalıdır. Bu anda keçirilməsi vacib olan bir tədbir idi və ilk addım idi. İlk addımlar isə çox vaxt uğursuz olur. Fikrimcə bu da istisna olmadı.
Euronews Reporter “Nagorno Karabakh winds of change” – complete bullshit
Euronews
Here is the russian version of Euronews’ “Nagorno Karabakh winds of change” – complete bullshit documentary
Milli Net Nominantları açıqladı
Milli Net nominantlarının açıqlanması
Milli Net nominantlarının açıqlanması
AİF tərəfindən keçirilən Milli Net 2009 müsabiqəsinin 1-ci mərhələsinin nəticələri elan olunub. Müsabiqəyə təqdim olunan 583 sayt arasında ən yaxşı 63-ü Nominant elan olunaraq növbəti mərhələdə iştirak hüququ qazanıb. Dekabrın 18-i isə bu saytlardan 11 nominasiya üzrə 11 qalib müəyyən olunacaqdır.
İndi isə Milli Net 2009 müsabiqəsinin nominantlarını – AzNet-in ən yaxşılarını diqqətinizə çatdırmaq istərdim.
Ən yaxşı korporativ sayt nominasiyası:
www.mazda.az
www.ottoman.az
www.duetdizayn.com
www.azmuhasib.com
www.qaradag-and.az
Ən yaxşı qeyri-kommersiya saytı nominasiyası:
www.ireli.az
www.adam.az
www.karabakhblog.com
www.baku-icc-2009.az
www.azhumanrights.az
www.azpentalreform.az
Milli Net 2009 -un ilkin nəticələri açıqlanıb
Milli Net mükafatı
Bu gün AİF tərəfindən Milli Net 2009 – Milli İnternet Mükafatı uğrunda Müsabiqədə qeydiyyat prosesi və səsvermənin 1-ci mərhələsinin başa çatması ilə bağlı mətbuat konfransı keçirilib.
Müsabiqənin Təşkilat Komitəsinin üzvləri, AİF prezidenti Osman Gündüz və Vahid Qasımov Müsabiqənin gedişi və ilkin nəticələrlə bağlı media nümayəndələrinə məlumat veriblər.
Milli Net 2009-a start veriləndən bəri qeydiyyat prosesi başa çatanadək 1500 istifadəçinin millinet.az saytında qeydiyyatdan keçdiyi və 583 saytın Müsabiqəyə təqdim edildiyi bildirilib. Onlardan 367 saytın Müsabiqəyə qəbul edildiyi, 216 saytın isə Müsabiqənin şərtlərinə uyğun gəlmədiyinə görə müsabiqəyə buraxılmadığı qeyd edilib.
Müsabiqəyə buraxılmamağın əsas səbəblərinin bu saytlarda qanunvericiliyə uyğun olmayan informasiyaların yerləşdirilməsi, müəllif hüquqlarının pozulması, Azərbaycan dili versiyasının olmaması vurğulanıb. Təşkilat Komitəsi tərəfindən bu saytlara yazılan şərhlərdə imtinanın səbəblərinin qeyd edildiyi və sayt sahiblərinə bu haqda məlumat verildiyi bildirilib.
